Letting Go करून बघ

माया बघ दाखवते तुला
क्षणोक्षणी मजा कशी?
जुनी आठवण ओली
काल जणू घडली जशी

जेव्हा घडलं सार तेव्हा
सहन केलं सार आपण
आता का जपतोय डोक्यात
नाट्यमय ती आठवण

























माया नावाचा magic show
बघ कसा असतो तो

जुनी स्वप्नं अधुरी
कदाचित नाही झाली पूरी

जुना राग रुसवा काढायचा
विचार देखील कुणी नाही केला

जुना बहाणा / कारण / उपाय / सुझाव
खेळाखेळात कालबाह्य झाला

कदाचित मी बरोबर सांगत होते
कदाचित ती बरोबर सांगत होती
कदाचित त्याचं बरोबरच असावं
कदाचित त्या सगळ्यांच चुकलं असावं

हे सारे
नाही खरे
आज नव्हे अत्ता
ह्यावरच आपली सत्ता
भूत आणि भविष्यात
मायेचाच राबता

काळाची फुंकर
वेळेची झुळूक
जीवनाचा पाऊस
मृत्युचं धुकं
एकदा येउन गेलं, झालं मग
Letting Go करून बघ


तसंही आधीच तू सहन करून झालंय
मग परत आठवणीत कशाला
परत परत सहन करतेस
जुने त्रास, जुना राग, जुने अन्याय
एकदा सहन केलं, झालं मग
Letting Go करून बघ


म्हणा बाकी सारे बदललय
तळ्याच पाणी वाफ होऊन
परत आलंय
लाटा कशाला जुन्या मानायच्या?
एकदा भिजून झालं, मिळालं मग
Letting Go करून बघ

आज का घडून गेलेल्याची रग?

विद्या-अविद्याचा फरक बघ 

तुझी 'आशा' नावाची एक धग
जुन जाळेल लगोलग

बघ, समजून  बघ, करून  बघ
सोडून  बघ
Letting Go करून बघ


शुचिता