श्रावणात

श्रावणात अन्गणात, ऊन पावसाची खेळी
पानाफुलान्ची आरास, गुलबाक्षी सायन्काळी

खळखळा वाहे पाणी, पाचूजैसी सजली धरणी
ऐकु येती रानीवनी, श्रावणाची मन्जुळ गाणी

ओलसर ती पागोळी, आवाराला जागे ठेवी
धुरामधी कौल ओली, सारवली ओटी पडवी

दर्यावरी शिडे चढती, मौज नारळी पौर्णिमा
भावासाठी गोडधोड, आई-सवे माझा मामा

निळसर डोहाकाठी, कमी होते का ग वय
आट्यापटीच्या खापरी, उगी देती मज सय

कष्टाळू या कोकणात, पायाखाली लाल माती
कणखर जाम्भ्यामधे कशी आसवे कोन्दती

शुचिता